zarre zarre kii siyaasat pe nazar rakhate hai.n
hamase diivaane bhii duniyaa kii Khabar rakhate hai.n
--zauq

jo is shor se 'Meer' rotaa rahegaa
to ham-saayaa kaahe ko sotaa rahegaa
--Meer

ibtidaa-e-ishq hai rotaa hai kyaa
aage aage dekhiye hotaa hai kyaa
--Meer

Misaal dene main shayer se ho gaye hai bhool
kahan janaab ka chehrah, kahan gulaab ka phool
--??

Hum to tumhaare husn kee hairat se haiN khamosh
Tum ham se koi karte naheeN baat, kyaa sabab?
--??

sar peh aashiq keh nah yeh roz-e-siyaah laayaa karoo
jee ulajhTaa hai bohaT, maT baal suljhaayaa karoo
--ghalib

shab ko kisee ke KHwaab meN ayaa nah ho kaheeN
dukhTay haiN aaj us buT-e nazuk baDan kay paaoN
--??

bus ki dushwaar haiN har kaam ka aasaaN hona
aadmee ko bhee muyassar nahiN insaaN hona
--ghalib

royaa kare.nge aap bhii paharo.n isii tarah
aTakaa kahii.n jo aap kaa dil bhii merii tarah
--momin

Nahaq hum majboroN per Tuhmat hai khudmukhtaaree kee
jo chaho so aap karo hum ko abs badnaam kiya
--??

dekhnaa bhee to unheN duur se dekhaa karnaa
shevaa-e-ishq naheeN husn ko rusvaa karnaa
--Hasrat Mohani


Deewana `Murad' usnay khud humko banaya hai
Ab khud hi woh kehta hai deewaano say kya lena !
--jigar muradabadi


wo naaz se zammeN per rakhtay na thay qadam
taareef kar ke aur bhi Hum nay uraa diya

--??
aNkhoN me namee see hai chup-chup se wo baiThe haiN
nazuk see nigaahoN meN naazuk saa fasaanaa hai
--jigar muradabadi

vo aaye ghar me.n hamaare, Khudaa kii qudarat hai
kabhii ham un ko, kabhii apane ghar ko dekhate hai.n
--ghalib

Yeh ishq nahi aasaan, itna to samajh leejiye,
Ik aag ka darya hai, aur doobtey jaana hai.
--Dagh

Ya hum they khafa unsay, ya woh hain khafa humsay
Kal unka zamaana tha, Aaj apna zamaana hai.
--Dagh

Un kay aatey hee ye kya ho gai ghar kee soorat
Na woh deewar kee soorat Na woh Dar kee soorat
-- Ghalib

Kon see jaah hai jahaN jalwa'e Maashooq NahiN
Shoq-e-Deedar hai to Nazar Paida Kar
--Iqbal (??)

ye na thee hamaree qismat kay visaal-e-yaar hota
agar aur jeetay rahtay yahee intezar hotaa
--ghalib

Yeh uree uree see rangat yeh khulay khulay sey gaysoo
Teree suba kah rahi hai teree raat ka fasana
--??

aaj us ki aik zulf bhi na suljhi mujh sey
uljhi hui thee shayed meri zindigi kee tarah --??

kiya ghar jilanay say milli roshi uss ko?
rah dikhanay ko kafi tha ik diya yaaro-

insaN apni zaat main anjuman hay, laykin
musafat e zindigi main har koyi hay akayla yaaro
--??