tere waade par sitamagar abhii aur sabr karate
agar apanii zindagii kaa hame.n aitabaar hotaa

uzr aane me.n bhii hai aur bulaate bhii nahii.n
baais-e-tark-e-mulaaqaat bataate bhii nahii.n

Khuub pardaa hai ke chilaman se lage baiThe hai.n
saaf chhupate bhii nahii.n saamane aate bhii nahii.n

ho chukaa qata ta'lluq to jafaae.n kyo.n ho.n
jinko matlab nahii.n rahtaa wo sataate bhii nahii.n

ziist se ta.ng ho ae DaaG to jiite kyo.n ho
jaan pyaarii bhii nahii.n jaan se jaate bhii nahii.n

rasm-e-ulfat sikhaa gayaa ko_ii
dil kii duniyaa pe chhaa gayaa ko_ii

taa qayaamat kisii tarah na bujhe
aag aisii lagaa gayaa ko_ii

dil kii duniyaa ujaa.D sii kyuu.N hai
kyaa yahaa.N se chalaa gayaa ko_ii

vaqt-e-ruKhsat gale lagaa kar "Daag"
ha.Nsate ha.Nsate rulaa gayaa ko_ii

jis me.n laakho.n baras kii huure.n ho.n
aisii jannat ko kyaa kare koii