baraabar se bachakar guzar jaane vaale
ye naale nahii.n be-asar jaane vaale

muhabbat me.n ham to jiye hai.n jiye.nge
vo ho.nge ko_ii aur mar jaane vaale

mere dil kii betaabiyaa.N bhii liye jaa
dabe paao.n muu.Nh pher ke jaane vaale

nahii.n jaanate kuchh ki jaanaa kahaa.N hai
chale jaa rahe hai.n magar jaane vaale

tere ik ishaare pe saakit kha.De hai.n
nahii.n kah ke sab se guzar jaane vaale

daastaan-e-Gam-e-dil unako sunaa_ii na ga_ii
baat biga.Dii thii kuchh aisii ki banaa_ii na ga_ii

sab ko ham bhuul ga_e josh-e-junuu.N e.n lekin
ek terii yaad thii aisii ki bhulaa_ii na ga_ii

ishq par kuchh na chalaa diidaa-e-tar kaa jaaduu
usane jo aag lagaa dii vo bujhaa_ii na ga_ii

kyaa uThaayegii sabaa Khaak merii us dar se
ye qayaamat to Khud un se bhii uThaa_ii na ga_ii

ik lafz-e-mohabbat kaa adanaa saa fasaanaa hai
simaTe to dil-e-aashiq phaile to zamaanaa hai

ye kisakaa tasavvur hai, ye kisakaa fasaanaa hai
jo ashk hai aa.Nkho.n me.n tasbiih kaa daanaa hai

ham ishq ke maaro.n kaa itanaa hii fasanaa hai
rone ko nahii.n koii ha.Nsane ko zamaanaa hai

vo aur vafaa-dushman, maane.nge na maanaa hai
sab dil kii sharaarat hai aa.Nkho.n kaa bahaanaa hai

kyaa husn ne samajhaa hai kyaa ishq ne jaanaa hai
ham Khaak-nashiino.n kii Thokar me.n zamaanaa hai

vo husn-o-jamaal unakaa ye ishq-o-shabaab apanaa
jiine kii tamannaa hai maranaa kaa zamaanaa hai

yaa vo the Khafaa ham se yaa ham the Khafaa unase
kal un kaa zamaanaa thaa aaj apanaa zamaanaa hai

ashko.n ke tabassum me.n aaho.n ke tarannum me.n
maasuum mohabbat kaa maasuum fasaanaa hai

aa.Nkho.n me.n namii sii hai chup-chup se wo baiThe hai.n
nazuk sii nigaaho.n me.n naazuk saa fasaanaa hai

kyaa husn ne samajhaa hai kyaa ishq ne jaanaa hai
ham Khaak-nashiino.n kii Thokar me.n zamaanaa hai

ai ishq-e-junuu.N-peshaa! haa.N ishq-e-junuu.N-peshaa
aaj ek sitamagar ko ha.Ns ha.Ns ke rulaanaa hai

ye ishq nahii.n aasaa.N itanaa to samajh liije
ek aag kaa dariyaa hai aur Duub ke jaanaa hai

aa.Nsuu to bahot se hai.n aa.Nkho.n me.n 'Jigar' lekin
bi.ndh jaaye so motii hai rah jaaye so daanaa hai

isii chaman me.n hii hamaaraa bhii ik zamaanaa thaa
yahii.n kahii.n ko_ii saadaa saa aashiyaanaa thaa

nasiib ab to nahii.n shaaKh bhii nasheman kii
ladaa huaa kabhii phuulo.n se aashiyaanaa thaa

terii qasam are o jald ruuThanevaale
guruur-e-ishq na thaa naaz-e-aashiqaanaa thaa

tumhii.n guzar gaye daaman bachaakar varnaa yahaa.N
vahii shabab vahii dil vahii zamaanaa thaa

daastaan-e-Gam-e-dil unako sunaa_ii na ga_ii
baat biga.Dii kuchh aisii ki banaa_ii na ga_ii

sab ko ham bhuul ga_e josh-e-junuu.N e.n lekin
ek terii yaad thii aisii ki bhulaa_ii na ga_ii

ishq par kuchh na chalaa diidaa-e-tar kaa jaaduu
usane jo aag lagaa dii vo bujhaa_ii na ga_ii

Kya kaam surahi say paimano say kya lena,
Woh aankh salamat hai maikhano say kya lena !

Mujko to teray dar par sar apna jukaana hai,
Masjid say garaz kya hai but khano say kya lena !

Marzi hai patango ki aayey ki nahin aayey,
Shama ko to jalna hai, parwaano say kya lena !

Miltay hi nazar unsay armaan machaltay hain,
Par unko meray dil kay armaano say kya lena !

Deewana `Murad' usnay khud humko banaya hai,
Ab khud hi woh kehta hai deewaano say kya lena !

Kya kaam surahi say paimano say kya lena,
Woh aankh salamat hai maikhano say kya lena !