kuch na kisee se boleNge
tanhaaii mein ro laiNge
ham be-rahabaroN kaa kyaa
saath kisee ke ho laiNge
Khud to hue ruswaa lekin
terey bhed na kholeNge
jeevan zahar bharaa saaGar
kab tak amrit gholeNge
neend to kya aaegee 'Faraz'
maut aaee to so leNge
ye aalam shauq ka dekha na jaae
voh but hai ya Khudaa dekha na jaae
ye kin nazroN se tum ne aaj dekhaa
kay tera dekhana dekha na jaae
hameshaa ke liye mujh se bichhaD jaa
ye manzar baarhaa dekha na jaae
galat hai jo sunaa, par aazmaa kar
tujhe ai baa-vafaa dekha na jaae
ye mahruum hee naheeN, paas-e-vafaa hai
koii terey siva dekha na jaae
"Faraz" apane siva hai kaun tera
tujhe tujhsey judaa dekha na jaae
Suna hai log oose aankh bhar ke daikhte haiN
so oos ke shehr maiN kuch din thehr ke daikhte haiN
suna hai rabt hai uss ko kharaab haloN se
so apne aap ko barbaad kar ke daikhte haiN
suna hai dard ki gahak hai chashm e naz oos ki
so ham bhi oos ki gali se guzar ke daikhte haiN
suna hai oos ko bhi hai shair o shairi se shughaf
so ham bhi mo'jaze apne hunar ke daikhte haiN
suna hai bole to baatoN se phool jhaRte haiN
yeh baat hai to chalo baat kar ke daikhte haiN
suna hai raat oose chand takta rehta hai
sitare baam e falak se utar ke daikhte haiN
suna hai din ko oose titliyaaN satati haiN
suna hai raat ko jugnoo guzar ke daikhte haiN
suna hai hashr haiN oos ki ghazaal si aankhaiN
suna hai oos ko hiran dasht bhar ke daikhte haiN
suna hai raat se baRh kar haiN kaakulaiN oos ki
suna hai shaam ko saae guzar ke daikhte haiN
siyaah chashm to daikhe haiN par na aise bhi
ke oos ko surma farosh , aah bhar ke daikhte haiN
suna hai oos ke laboN se gulaab jalte haiN
so ham bahaar pe ilzaam dhar ke daikhte haiN
suna hai ,aa'i'na tamsaal hai jabeeN oos ki
jo saada dil haiN oose ban sanvar ke daikhte haiN
suna hai jab se hama'il haiN oos ki gardan maiN
mizaj aur hi laal o guhar ke daikhte haiN
suna hai chashm e tasavvur se dasht e imkaaN maiN
palang zaviye oos ki kamar ke daikhte haiN
suna hai oos ke badan ki tarash aisi hai
ke phool apni qaba'aiN katar ke daikhte haiN
voh sarv qad hai magar be gul e muraad nahiN
ke oos shajar pe shagoofe samar ke daikhte haiN
nazar uththe to yeh samjho ke deen o dil to gae
so rahravan e tamanna bhi dar ke daikhte haiN
suna hai oos ke shabistaN se mut'tasil hai bahisht
maeeN odhar ke bhi jalve idhar ke daikhte haiN
ruke to gardishaiN oos ka tavaaf karti haiN
chale to oos ko zamane theher ke daikhte haiN
kise naseeb ke be pairahan use daikhe
kabhi kabhi dar o deevaar ghar ke daikhte haiN
kahaniyaaN hi sahi ,sab mubalighe hi sahi
agar voh khavaab hai ,tabeer kar ke daikhte haiN
ab oos ke shehr maiN tehraiN ke kooch kar jaaeN
Faraz aao sitare safar ke daikhte haiN
haath uThe hai.n magar lab pe duaa ko_ii nahii.n
kii ibaadat bhii vo jis kii jazaa ko_ii nahii.n
[duaa = prayer; jazaa = reward]
ye bhii vaqt aanaa thaa ab to gosh har aavaaz hai
aur mere barbaad-e-dil me.n sadaa ko_ii nahii.n
aa ke ab tasliim kar le.n tuu nahii.n to main sahii
kaun maanegaa ke ham me.n bevafaa ko_ii nahii.n
vaqt ne vo Khaak u.Daa_ii hai ke dil ke dasht se
qaafile guzare hai.n phir bhii naqsh-e-paa ko_ii nahii.n
[dasht = desert/wildnerness; qaafile = caravans; naqsh-e-paa = footprints]
Khud ko yuu.N mahasuur kar baiThaa huu.N apanii zaat me.n
manzile.n chaaro.n taraf hai raastaa ko_ii nahii.n
[mahasuur = surrounded; zaat = self/one's personality]
kaise raasto.n se chale aur kis jagah pahu.Nche "Faraz"
yaa hujuum-e-dostaa.N thaa saath yaa ko_ii nahii.n
[hujuum = crowd]
