ulTee ho gaIN sab tadbeereN, kuchh na davaa ne kaam kiyaa
dekhaa is beemaaree-e-dil ne aaKHir kaam tamaam kiyaa

'ahd-e-javaanee ro-ro kaaTaa, peeree meiN leeN aankheN mooNd
y'ani raat bohot the jaage subaH hu'ee aaraam kiyaa

naahaq ham majbooroN par tohmat hai muKHtaaree kee
chaahate haiN so aap kare haiN, hamko 'abas badnaam kiyaa

sarzad ham se be-adabee to waHshat meN bhee kam hi hui
kosoN us ki oar gaye par sajda har har gaam kiyaa

aise aaho-e-ram-KHurda kee waHshat khonee mushkil thee
sihr kiyaa, i'jaaz kiyaa, jin logoN ne tujh ko raam kiyaa

yaaN ke saped-o-syaah meiN hamko daKHal jo hai so itnaa hai
raat ko ro-ro subaH kiyaa, din ko jooN-tooN shaam kiyaa

"Meer" ke deen-o-mazhab ko ab poochhte kyaa ho un-ne to
qashqaa kheenchaa, dair meiN baiThaa, kab kaa tark islaam kiyaa

ibtidaa-e-ishq hai rotaa hai kyaa
aage aage dekhiye hotaa hai kyaa

qaafile me.n subah ke ik shor hai
yaani Gaafil ham chale sotaa hai kyaa

sabz hotii hii nahii.n ye sar-zamii.n
tuKhm-e-Khvaahish dil me.n tuu botaa hai kyaa

ye nishaan-e-ishq hai.n jaate nahii.n
daaG chhaatii ke abas dhotaa hai kyaa

Gairat-e-yusuf hai ye waqt-e-aziiz
'Meer' is ko raegaa.N khotaa hai kyaa

sher ke parde me.n mai.n ne Gam sunaayaa hai bahut
marsiye ne dil ko mere bhii rulaayaa hai bahut

vaadii-o-kohasar me.n rotaa huu.N dhaa.De maar-maar
dilbaraan-e-shahar ne mujh ko sataayaa hai bahut

vaa nahii.n hotaa kisii se dil giriftaa ishq kaa
zaahiraa Gam-gii.n use rahanaa Khush aayaa hai bahut

na sochaa na samajhaa na siikhaa na jaanaa
mujhe aa gayaa Khud_ba_Khud dil lagaanaa

zaraa dekh kar apanaa jalwaa dikhaanaa
simaT kar yahii.n aa na jaaye zamaanaa

zubaa.N par lagii hai.n wafaao.n ki muhare.n
Khamoshii merii kah rahii hai fasaanaa

gulo.n tak lagaayii to aasaa.N hai lekin
hai dushwaar kaa.NTo.n se daaman bachaanaa

karo laakh tum maatam-e-naujavaanii
pa 'mir' ab nahii.n aayegaa woh zamaanaa